سياسة الخصوصية

• بيانات المدرس أو السنتر: الاسم، رقم الموبايل، الإيميل، اسم المساحة، والشعار لو رفعته.
• البيانات اللي المدرس بيدخّلها: أسماء الطلاب وأرقامهم وأرقام أولياء الأمور، الحضور، الدرجات، المدفوعات، والملاحظات.
• بيانات الاشتراك: الباقة، وصور التحويلات وأرقامها.
• بيانات تقنية: سجلّات الدخول وآخر نشاط، عشان الأمان وحل المشاكل.

• عشان نشغّل الخدمة: الحضور والفلوس والإيصالات وبوابة ولي الأمر والامتحانات.
• عشان نفعّل الاشتراك ونتواصل معاك بخصوص حسابك.
• عشان نحسّن المنصة، باستخدام أرقام مجمّعة من غير أسماء.

مش بنبيع البيانات، ومش بنستخدم بيانات الطلاب في أي إعلانات.

• كل مساحة معزولة تمامًا عن غيرها على مستوى قاعدة البيانات، فمحدش من مدرس أو سنتر تاني يقدر يشوف بياناتك.
• جوه مساحتك: إنت والسكرتارية اللي إنت بتضيفهم، وبالصلاحيات اللي إنت بتحددها.
• ولي الأمر بيشوف بيانات ابنه بس، عن طريق رابط أو كود خاص بيه.
• فريق حِصّة بيشوف بيانات الاشتراك والفواتير. ومش بنفتح بيانات طلابك إلا لو إنت طلبت مساعدة في مشكلة.

البيانات متخزّنة عند مزوّد استضافة سحابية موثوق، ومتشفّرة وهي بتتنقل. صور التحويلات مخزّنة في مكان خاص مبيتفتحش غير بروابط مؤقتة.

المدرس أو السنتر هو المسؤول عن البيانات اللي بيدخّلها، وعن إن عنده موافقة أولياء الأمور. ولو ولي أمر عايز يعدّل أو يمسح بيانات ابنه، يقدر يكلّم المدرس، أو يكلّمنا وإحنا هنوصّل طلبه للمدرس.

بنحتفظ بالبيانات طول ما الحساب موجود، و90 يوم على الأقل بعد ما الاشتراك يخلص. وتقدر تطلب مسح مساحتك بالكامل في أي وقت.

من حقك تعرف إحنا محتفظين بإيه، وتطلب نسخة منه، أو تصحيحه، أو مسحه. ابعتلنا على واتساب 0128 095 5222 وهنرد عليك خلال 7 أيام.